How to Plan Leh Ladakh Bike trip ( Leh jaane ki taiyari kaise kare)
Hello Dosto... Aaj mujhe ye likhte huye accha lag raha hai kyunki itne time se IT ke posts likh raha tha aur kuch bhi maja nahi araha tha.. kyu ki maja Bike ride aur Travel mein aata hai mujhe,...
Mera Naam Ravi hai aur main Gurgaon mein ek IT company mein Job karta hu...
Maine apni pehli Leh bike ride 2017 mein start ki thi... aur tabse main har saal Leh bike ride per ja raha hu..
2017 se aur ab 2025 tak mein bike route mein bahut saare changes huye hai..
jaise pehle road ki condition bahut kharab thi aur humein Rohtang pass cross karke jaana padta tha..
lekin ab hum Atal Tunnel cross karke jaate hai aur humara bahut time bach jata hai...
To chalo main apko batata hu ki aap jo pehli baar Leh bike ride ka plan kar rahe hai woh kaise bina kisi problem ke leh ja sakte hai..
Leh jaane ke do raste hai... ek asan rasta aur dusra bhi asan rasta.... Maut wala ab band ho gaya (Rohtang-Pass)
1. Bike Service time per karwa le, aur tools jaise pump, punchure kit, extra tube, spark plug. chain lube, ye sab rakh le.
2. 15-20 din pehle se hi thoda workout aur yoga start karde, aur thoda breathing wali bhi excersice kare, kyunki waha high altitude per oxygen level kam hota hai aur thode se kaam mein hi bahut jaldi thak jaate hai..
3. Permit trip se ek week pehle hi online lele neeche di gayi website per jakar. saare check box check karke permit lele, kyunki kai baar mausam kharab hone ki wajah se kis route se nikalna pade.
https://www.lahdclehpermit.in/register-as-domestic
4. Medicines rakh le, jaise Diamox, Mobizox, Paracip-500, Disprin, pet dard ki aur loose motion ki bhi, aur move, aur hot water bottle sikai k liye. kuch chot wali patti aur lagane wali dawai.
5. Garam kapde, extra shoes, gloves, warm cap, shocks. waterproof jacket and waterproof shoes.
6. Camping karna chahte hai to Tent, sleeping bag, mat.
7.kuch bhool gaya hounga to baad mein likhunga, main dekhna chahta hu ki meri is post ka kkuch fayda hota bhi hai ya nahi...
chalo aage badhte hai fir...
maan lete hai ki aap sabhi logo ki bike ready hai aur sabne riding gears pahan rakhe hai..
humari ride delhi/gurgaon se Manali hote huye hogi aur same route se wapas ayenge...
Day 0. To pehle din hum Delhi se shaam ko 6-7 baje May end-June start ke week mein start karenge aur Manali pahunchenge, Subah manali karib 7-8 baje tak pahunch jaate hai. to next day Manali mein rest karenge, kyunki pehle din ki ride bahut lambi hoti hai..
kuch logo ka kahna hai ki raat ko nahi ride karni chahiye, baat sahi hai lekin agar May-June mein Delhi ki garmi se nahi marna hai to Raat ko hi yaha se nikal jao..
Day 1. Rest in Manali and Rest and Rest.
Day 2. Subah sabhi rider 7AM baje tak uth kar Ready honge aur max 8AM tak apna luguaage baandh kar bike start kar lenge. late nahi karna.. mujhe late karne wale bilkul pasand nahi..
jaise mere sath ke bahut saare biker 11 baje tak bike per saman hi nahi baandh paate the.. aur fir mujhe gussa aane lagta tha.. apni kahani main dusre post mein bataunga.... :-)
Bike start karke hum sab log atal tunnel ki taraf nikal jayenge.. Atal Tunnel cross karne ke baad Left mein Leh ke liye rasta hoga aur right mein Spiti valley ke liye.. humein left wala rasta lena hai...
waha se sissu, keylong, Jispa cross karke humein Shandaar baralacha-pass cross karke Sarchu mein stay karna hai...
subah ka nasta sissu ya keylong mein karna sahi rahega.. waha acche restaurent hai raste mein..
Sarchu mein Himachal aur J&K ka checkpost hai, checkpost se pehle hi camps lage huye hai, wahi stay karna, kyunki checkpost ke baad kam option hai aur waha truck wale bahut rukte hai...
Day 3 . Sarchu se start karke humein thoda muskil rasta jo ki pang ka aur gata loop ka hai woh cross karke auer kuch passes jaise Namkila, Tangla cross karke leh pahunchna hai.
Day 4. Leh Visit, Lel palace, Shanti stoop, Leh market aur pass mein jaise Patthar sahab gurudwara, megnetic hill aadi aadi...
Day 5. Subah time per uthkar Khardung-la ke liye nikal jao.. Nubra valley nahi jana ho to aage se pangong lake ke liye mud jao aur pangong lake per stay kar lo ya aur thoda acchi aur sundar jagah rukna hai to pangong lake se aage merak village hai waha ruk jao..
Day 6. Merak se nikal ke Hanle jana hai aur Hanle Stay karna hai..
Day 7. Hanle se Umling la pass jao aur wapas Nurbula-pass hote huye aao offroading wale route se, jiska view bahut shandaar hai.. aur stay fir se Hanle mein karo..
Day 8. Hanle se Sarchu aao Puga, Debring hote hoye, Sarchu stay karo.
Day 9. Sarchu se wapas Manali
Day 10. Manali se wapas Delhi.
Din tum apne hisab se jyada kar sakte ho agar thoda beech mein rest lena ho to .. main bhi 15 din lekar chalta hu.. aur beech mein thoda rest karke 12-14 din mein trip complete karta hu....
main kuch pics upload karunga abhi sabhi din aur location ke sath.. agar mujhe is post per kuch accha response mila to...
aap apni query comment mein daal sakte hai..
Thanks all...
#bikers #riders #leh #ladakh #adventure #mountain #travel
